Dewch i nabod siop lyfrau mae darllenwyr Caerdydd wrth eu bodd yn dod iddi dro ar ôl tro

Cant a mil yng Nghaerdydd yw'r math o siop lyfrau lle mae'n hawdd iawn colli golwg ar amser. Mae’n fwy na lle i godi llyfr; mae wedi'i adeiladu o amgylch iaith a diwylliant Cymru a darganfod, gydag amrywiaeth aruthrol o deitlau i ddarllenwyr chwilfrydig, dysgwyr, siaradwyr newydd a phlant fel ei gilydd.

Un o'r pethau braf am y casgliad yw nad oes angen ichi wybod beth yn union beth rydych chi ei eisiau cyn ichi gyrraedd. Efallai y dechreuwch chi drwy chwilio am lyfr i ffrind sy’n dysgu Cymraeg cyn taro ar nofel wych, stori i blant, llyfr coginio Cymraeg, neu rywbeth sy'n eich cysylltu â’n hanes a’n diwylliant. Mae yma gymysgedd gwych o lyfrau ac adnoddau, sy'n golygu bod pori’n teimlo'n llawer mwy personol a phleserus na sgrolio trwy wefan rhyw fanwerthwr generig ar-lein.

Os na allwch chi ddod i'r siop yn bersonol, mae’n dal yn bosibl chwilio popeth ar-lein. Drwy'r wefan mae'n hawdd archebu i'ch cartref a chanfod llyfrau newydd ble bynnag y boch chi. Dydych chi ddim yn gyfyngedig felly i'r hyn sydd ar gael mewn siopau cadwyn mawr.

Lle i ddod i nabod iaith a diwylliant Cymru

I lawer o bobl sy'n dysgu Cymraeg, nid dechrau arni yw’r her ond cadw'r iaith yn rhan o fywyd bob dydd. Mae darllen yn help mawr yn hyn o beth. Mae gweld yr iaith yn cael ei defnyddio'n naturiol mewn straeon, sgyrsiau, hiwmor, a sefyllfaoedd bod dydd yn helpu'r iaith i deimlo'n fwy cyfarwydd ac yn llawer llai brawychus. Mae gan Cant a mil lyfrau ar gyfer pob cam hefyd, o adnoddau cyflawn i ddechreuwyr i lyfrau ar gyfer darllenwyr mwy hyderus. O ganllawiau dysgu strwythuredig, straeon, geiriaduron, barddoniaeth, neu ffuglen Gymraeg fodern, mae yma hen ddigon o amrywiaeth.

Cefnogwch y Gymraeg yn eich bywyd bob dydd trwy ddarllen pan fyddwch chi’n dod i'n siop lyfrau yng Nghaerdydd neu'n prynu ar-lein.

Cwestiynau Cyffredin: Siop Lyfrau yng Nghaerdydd

C: Ydy hi’n dal yn bosib mwynhau llyfrau Cymraeg os nad ydw i'n gwbl rugl?

A: Yn bendant. Does dim angen deall pob gair i fwynhau darllen. Mae llawer o ddysgwyr yn codi pethau'n naturiol trwy ailadrodd, cyd-destun, a themâu cyfarwydd, ac mae hyder yn tueddu i godi'n raddol drwy barhau i ddarllen.

C: Sut mae dewis llyfr Cymraeg os nad ydw i'n siŵr beth yw fy lefel i?

A: Un ffordd dda o fynd ati yw meddwl am beth sy’n gyffyrddus yn hytrach na "labeli lefel". Os gallwch chi ddilyn brawddegau syml heb stopio i gyfieithu, rydych chi yn y lle iawn. Fel arall, mae rhywbeth mwy gweledol neu lyfrau wedi’u seilio ar stori fel arfer yn haws.

C: Beth os nad ydw i'n deall y rhan fwyaf o'r hyn dwi'n ei ddarllen?

A: Mae hynny'n hollol normal ar y dechrau. Nid deall pob gair yw'r nod, ond dod i arfer â sut mae'r Gymraeg yn edrych ac yn swnio ar y dudalen. Mae’r deall yn cynyddu’n raddol.

C: Sut mae dal ati pan fydd dysgu yn teimlo'n araf?

A: Mae cymysgu pethau yn helpu’n fawr. Mae newid rhwng straeon, llyfrau dysgu syml, a hyd yn oed pori gwahanol bynciau yn cadw pethau rhag teimlo'n ailadroddus ac yn ei gwneud hi'n haws cadw diddordeb.

C: Ydych chi'n gwerthu unrhyw beth heblaw llyfrau?

A: Ochr yn ochr â’r llyfrau, fe welwch chi hefyd ddetholiad o CDs a DVDs Cymraeg. Dyma ffordd wych o glywed y Gymraeg yn naturiol, p'un a ydych chi'n dysgu ynganiad, yn mwynhau cerddoriaeth Gymraeg, neu eisiau profi mwy o'r diwylliant mewn fformat gwahanol.